काठमाडौं । माण्डु हाइड्रोपावरले गत आर्थिक वर्ष २०८०/८१ को मुनाफाबाट सेयरधनीलाई नगद लाभांश घोषणा गरेको छ । कम्पनीको बिहीबार बसेको सञ्चालक समितिको बैठकले सेयरधनीलाई गत असार मसान्तसम्मको चुक्तापुँजीको १२ प्रतिशत नगद लाभांश दिने निर्णय गरेको हो ।

यो लाभांश करसहित हुने कम्पनीले जनाएको छ । उक्त लाभांश कम्पीको १३औँ वार्षिक साधारण सभाबाट पारित भएपछि सेयरधनीले प्राप्त गर्ने छन् । तर, साधारण सभा प्रयोजनका लागि बुक क्लोज हुने अघिल्लो दिनसम्म कायम सेयरधनीले मात्र लाभांश प्राप्त गर्ने छन् ।

कम्पनीले असोज १४ गते साधारण सभा गर्ने घोषणा गरेको छ । उक्त साधारण सभा प्रयोजनका लागि भदौ ३१ गते एकदिन बुक क्लोज गरिएको छ । भदौ ३० गतेसम्म यस कम्पनीको सेयर खरिद गर्ने सेयरधनीहरूले एक कित्ता सेयर बराबर १२ रुपैयाँ नगद लाभांश प्राप्त गर्नेछन् ।