site stats
बाह्रखरी :: Baahrakhari
देश
Global Ime bankGlobal Ime bank
२७ दिनमा थपिए दुई हजार ९७६ डेंगी संक्रमित

काठमाडौं । पछिल्ला २७ दिनमा देशभर दुई हजार ९७६ जना डेंगी संक्रमित थपिएका छन् । १ देखि २७ अगष्टसम्म सो संख्यामा संक्रमित भएका हुन् । जनवरीयता डेंगी संक्रमणबाट तीनजनाको मृत्यु भएको छ ।

योसँगै देशभर डेंगी संक्रमितको संख्या पाँच हजार ५८९ पुगेको इपिडिमियोलोजी तथा रोग नियन्त्रण महाशाखा (ईडीसीडी)ले जनाएको छ ।  

गण्डकी प्रदेशमा सबैभन्दा धेरै दुई हजार ४४० जनामा संक्रमण देखिएको छ । जिल्लागत रूपमा तनहुँमा सबैभन्दा धेरै एक हजार ६७ जनामा संक्रमण पुष्टि भएको छ ।  

यस्तै, कास्कीमा ५३६, चितवनमा ४६८, काठमाडौंमा ४६६, पर्वतमा ३१७, गोरखामा २०८, झापामा १६० र मकवनापुरमा १११ जना संक्रमित भएका छन् । यीबाहेक अन्य जिल्लामा संक्रमितको संख्या १०० भन्दा कम छ । 

यो वर्ष डेंगी ७५ जिल्लामा देखिएको छ । हुम्ला र डोल्पाबाहेक सबै जिल्लामा डेंगी देखिएको ईडीसीडीले जनाएको छ । 

प्रकाशित मिति: बिहीबार, भदौ १३, २०८१  १२:५४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
खानेपानी त स्वच्छ होस् !
खानेपानी त स्वच्छ होस् !
Hamro patroHamro patro