काठमाडौं । दक्षिण कोरियाको एक होटेलमा आगलागी हुँदा सातजनाको मृत्यु भएको छ । १२ जना घाइते छन् ।

राजधानी सियोलबाट करिब २० किलोमिटर दक्षिणपश्चिमस्थित बुकियोनमा रहेको नौतले होटेलमा स्थानीय समयानुसार बिहीबार साँझ ७ः३९ बजे आगलागी भएको हो । आगलागी आठौँ तलाको एउटा कोठाबाट सुरु भएको थियो ।

आगलागी होटेलभर फैलिएको थिएन । तर, पूरै भवन कालो धुवाँले भरिएर उनीहरूले ज्यान गुमाएका हुन् । सिन्ह्वा/न्युज एजेन्सी नेपाल