काठमाडौं । चलचित्र ‘वर एण्ड वधु’को गीत ‘सिरि सिरि हावा’ सार्वजनिक भएको छ । बिहीबार सार्वजनिक भएको रोमान्टिक गीतमा विवेक कर्माचार्य र आँचल शर्मा फिचर्ड छन् ।

नरेश भट्टराईको शब्दरचना रहेको गीतमा युग भुषालको संगीत छ । गीतमा सुगम पोखरेल र नेहा करोडेको स्वर छ ।

मिलन चाम्सको निर्देशन रहेको चलचित्रको गीत नेपाल र रोमानियाको लोकेसनमा खिचिएको छ । गीतको भिडियोमा कविराज गहतराजको कोरियोग्राफी छ । 

भदौ १४ गतेदेखि प्रदर्शनमा आउने तयारीमा रहेको चलचित्रमा आँचल र विवेकसँगै विजय लामा, किरण केसी, हिउँवाला गौतम, सरिता लामिछाने, अन्सु महर्जन, दिनेश काफ्ले, यमन श्रेष्ठ, सृष्टि खड्का, गरिमा शर्मालगायतको अभिनय छ । 

एलआरके प्रोडक्सनको ब्यानरमा निर्माण भएको चलचित्रमा सुदीप बरालको छायांकन तथा प्रदीप भारद्वाजको लेखन छ ।