काठमाडौं । सीजी मोटर्सले नेपालमा विद्युतीय सवारी (ईभी) ब्रान्ड नेटाको भी मोडलको बिक्री ८०० युनिट नाघेको जनाएको छ । छोटो समयमै टप–नच ह्याचब्याकको बिक्रीले ठूलो आँकडा पार गरेकोमा कम्पनीले यसको पर्फमेन्स, रिलायबिलिटी र वातावरणमैत्री विशेषता भएको बताएको छ ।

कम्पनीले नेटा भी नेपाली बजारमा गेम चेन्जर बनेको दाबी गरेको छ ।  ४०.७ किलोवाट आवरको ब्याट्री रहेको गाडीले ३८० किलोमिटर रेन्ज दिने कम्पनीले जनाएको छ ।

५० किलोवाट क्षमताको मोटर र १२० एनएम टर्क रहेको गाडीलाई २० मिनेटमा ३० देखि ८० प्रतिशत चार्ज गर्न सकिने जनाएको छ । गाडीको ब्याट्रीमा ८ वर्ष अथवा एक लाख ५० हजार किलोमिटरसम्मको वारेन्टी छ ।

होजोन अटोको ब्रान्डका रूपमा रहेको नेटाले चीन, थाइल्यान्ड, इन्डोनेसिया, म्यानमार, ब्राजिल, टर्की, स्पेनलगायतका बजारमा आफ्नो बजार विस्तार गरेको छ ।

सीजी मोटर्सले नाडा अटो शोमा नेटाको नयाँ मोड नेटा एक्स सार्वजनिक गर्ने भएको छ । कम्पनीले नेटाका विशेषताले यो नेपाली बजारमा विशेष स्थान बनाउँदै गएको बताएको छ ।