काठमाडौं । धितोपत्र दोस्रो बजार उच्च अंकले बढ्दा पनि सेयर मूल्य उच्च घट्ने कम्पनी पनि छन् । 

साताको अन्तिम दिन बजार ४३.०५ अंक बढेर बन्द भएको छ । तर, यसैदिन नेपाल फाइनान्सको सेयर मूल्य १० प्रतिशतले घटेको छ भने योबाहेक थप ९ कम्पनीको सेयर मूल्य पाँच प्रतिशतभन्दा बढीले घटेको छ । 

यसरी सेयर मूल्य घट्नेमा विन्ध्यवासिनी हाइड्रोपावर डेभलपमेन्ट कम्पनी, शुभम् पावर, मिड सोलु हाइड्रोपावर, अपर हेवाखोला हाइड्रोपावर, माण्डु हाइड्रोपावर, कुथेली बुखरी स्मल हाइड्रोपावर, मुक्तिनाथ कृषि कम्पनी, थ्रि स्टार हाइड्रोपावर र श्वत–गंगा हाइड्रोपावरको सेयर मूल्य पाँच प्रतिशतले घटेको छ ।

विन्ध्यवासिनी हाइड्रोपावर र शुभम् पावरको सेयर मूल्य सात प्रतिशतभन्दा बढीले घटेको छ । आज नेपाल फाइनान्सको सेयर मूल्य १० प्रतिशतले घटेर प्रतिकित्ता २०७० रुपैयाँ कायम भएको छ ।