काठमाडौं । सार्वजनिक लेखा समितिका सभापति ऋषिकेश पोखरेलले १६ अर्ब छुट दिने क्रान्तिकारी, २२ अर्ब उठाउनुपर्छ भन्ने म सभापति भ्रष्टाचारी भन्दै प्रश्न उठाएका छन् । 

मंगलबारको प्रतिनिधिसभा बैठकको विशेष समयमा बोल्दै उनले गत वैशाख २७ गते पुष्पकमल दाहाल ‘प्रचण्ड’ नेतृत्वको मन्त्रिपरिषद् बैठकले ‘डेडिकेटेड र ट्रंकलाइनको सवालमा १६ अर्ब विद्युत् महसुल छुट दिने निर्णय गरेको बताए । उनले उक्त बैठकले ६ अर्ब मात्र महसुल उठाउने निर्णय गरेको भन्दै भने, “यसले जम्मा ६ अर्ब उठा भन्छ । महालेखाको प्रतिवेदनले २१ अर्ब ८८ करोड उठा भन्छ । १६ अर्ब खोइ ?”

उनले उजुरीका चाङ परेपछि लेखा समितिमा यो विषयमा छलफल भएको भन्दै प्राधिकरण, सरकार र व्यवसायीको सेटिङमा आयोग निर्माण भएको र त्यसले १६ अर्ब छुट दिने निर्णय गरेको भन्दै थपे, “एक मान्यज्यूले भन्नुभयो १६ अर्ब छुट दिने परिस्थिति निर्माण कसरी भयो भन्दा व्यवसायी र समितिको बीच बहस भयो । व्यवसायीको तर्फबाट सामूहको प्रस्तुती जसले गर्नुभयो त्यो र लाल आयोगको भाषा शब्द र शैली पनि जस्ताको त्यस्तै कसरी मिल्छ । माननीयज्यूको प्रश्न थियो । 

उनले आफूमाथि प्रश्न उठेको भन्दै भने, “१६ अर्ब छुट दिने क्रान्तिकारी २२ अर्ब उठाउनुपर्छ भन्ने सभापति भ्रष्टाचारी यो कहाँको न्याय हो ?”