काठमाडौं । कलाकार केदार घिमिरे (माग्ने बुढा)ले हास्य कलाकारका सिनेमा नजुध्ने बताएका छन् । हास्य कलाकार जितु नेपाल अभिनीत चलचित्र ‘ज्वाइँ साब’ पनि ‘छक्का पञ्जा–५’ रिलिज हुने दिन नै प्रदर्शन हुने भएपछि केदारले यस्तो दाबी गरेका हुन् । 

‘ज्वाइँ साब’ पनि ‘छक्का पञ्जा–५’ रिलिज हुने असोज २४ गते रिलिज हुने भएपछि केदारले हास्य कलाकारहरूबीच द्वन्द्व नरहेको भन्दै संवादमार्फत छुट्टाछुट्टै समयमा आउने संकेत गरेका हुन् ।  

“हास्य कलाकारहरूका बीचमा यस्तो कन्फ्लिक्ट अहिलेसम्म कहिल्यै भएको छैन । यो पनि वार्ता र संवादको माध्यमबाट हल हुनेछ,” केदारले सामाजिक सञ्जाल फेसबुकमा लेखेका छन् । 

• दीपक र जितुको चलचित्र एकै दिन रिलिज हुँदै, कसले मार्ला बाजी ?

‘ज्वाइँ साब’ले आज सिनेमाका दुई पोस्टर सार्वजनिक गर्दै असोज २४ मा प्रदर्शनमा आउने मितिबारे जानकारी गराएको थियो । 

‘ज्वाइँ साब’मा मुख्य भूमिकामा जितु नेपाल छन् । ‘छक्का पञ्जा–५’मा दीपकराज गिरी छन् । 

‘छक्का पञ्जा–५’ले पहिला असोज २४ मा आउनेभन्दै रिलिज डेट लक गरेको थियो ।