बाजुरा । विद्युत् लाइन विस्तारका क्रममा करेन्ट लागेर शनिबार बाजुराको बडीमालिका नगरपालिका–७ का ३३ वर्षीय मनबहादुर विष्टको मृत्यु भएको छ ।

विद्युत् लाइन विस्तारका क्रममा बडीमालिका–६, जडनङ्गामा विष्टलाई करेन्ट लागेको जिल्ला प्रहरी कार्यालय बाजुराका प्रहरी निरीक्षक रवीन्द्रसिंह कार्कीले जानकारी दिए ।

जडाङ्गामा ३३ केभीको लाइन बनाउने क्रममा करेन्ट लागेर विष्ट घाइते भएपछि उपचारका निम्ति अछामको बयालपाटा अस्पतालमा लगिएको र उपचारका क्रममा उनको मृत्यु भएको निरीक्षक कार्कीले बताए । रासस