काठमाडौं । भारतीय विदेश सचिव विक्रम मिश्री दुईदिने नेपाल भ्रमणका लागि आउने भएका छन् ।  सचिव मिश्री यही साउन २७ गते आइतबार नेपाल आउन लागेका हुन् ।

परराष्ट्र सचिव सेवा लम्सालको निमन्त्रणमा मिश्री नेपाल आउन लागेका हुन् ।

भ्रमणका क्रममा नेपाल–भारत सम्बन्धलाई थप सुदृढ गर्ने र द्विपक्षीय सहमतिका विविध विषयमा छलफल गर्ने परराष्ट्र मन्त्रालयले जनाएको छ ।

उनले नेपालका उच्च पदस्थ व्यक्तिहरूसँग पनि भेट गर्ने कार्यक्रम रहेको मन्त्रालयले जारी गरेको विज्ञप्तिमा जनाइएको छ ।

विदेश सचिव मिश्री साउन २८ मा भारत फर्किने कार्यक्रम तय भएको छ ।