मुम्बई । भारतीय पासपोर्ट प्राप्त गरी स्पेनको आवासीय पर्मिट लिएका सन्तोष अर्याल नामका एक नेपाली भारतको मुम्बई विमानस्थलमा पक्राउ परेका छन् । अर्यालले गोरेगाउँमा बसेको बेलामा नक्कली आधार कार्ड, प्यान र भोटर आइडी लिएका थिए । अधिकारीहरूले त्यस कार्यमा संलग्न एजेन्टको खोजी गरिरहेको बताइएको छ ।

४१ वर्षिय अर्यालको पासपोर्टमा सन् २०२१मा स्पेन उड्दा भारतीय अध्यागमनको स्ट्याम्प नभएको पाइएपछि अनुसन्धान अगाडि बढाइएको थियो । अनुसन्धान गर्दा उनले गोरेगाउँमा करिब दुई दशक बस्दा आधार कार्डलगायत डकुमेन्ट बनाएका थिए ।

ती कागजात प्रयोग गरेर उनले २०२१मा पासपोर्ट बनाएका हुन् । उनी स्पेन विभिन्न देश हुँदै गएका थिए । स्थानीय प्रहरीले नक्कली  कागजात बनाउन सहयोग गर्ने एजेन्टको खोजी गरिरहेको बताइएको छ ।

अर्याल सुरुमा नेपाली पासपोर्ट प्रयोग गरी बंगलादेश, तुर्केमिनिस्तान र इटाली हुँदै स्पेन पुगेका थिए । स्पेन पुगेपछि उनले नेपाली पासपोर्ट च्यातेर भारतीय पासपोर्ट प्रयोग गर्न थालेका थिए । प्रहरीले अर्यालसँग भएका सबै कागजात जफत गरेको जनाइएको छ । टाइम्स अफ इण्डिया