नयाँ दिल्ली । बंगलादेशमा विद्यार्थी आन्दोलनका कारण प्रधानमन्त्री शेख हसिना वाजेदले राजीनामा दिएर देश छोडेपछि भारतमा मंगलबार सर्वदलीय बैठक बसेको छ । बैठकमा भारतका गृहमन्त्री अमित शाह, रक्षामन्त्री राजनाथ सिंह, विदेशमन्त्री एस जयशंकर, संसदीय मामिलामन्त्री किरण रिजिजुलगायत नेता सहभागी थिए ।

बैठक बिहान १० बजेका निम्ति बोलाइएको थियो । बैठकमा विपक्षी नेता राहुल गान्धी पनि सहभागी थिए । बैठकमा विदेशमन्त्री जयशंकरले ‘ब्रिफिङ’ गरेका र सबैले ऐक्यबद्धता जनाएको बताइएको छ ।

पार्लियामेन्ट हाउसमा बसेको उक्त बैठकको तस्बिर विदेशमन्त्री जयशंकरले सामाजिक सञ्जाल एक्समा सार्वजनिक गरेका थिए । हिन्दुस्तान टाइम्सबाट ।