site stats
बाह्रखरी :: Baahrakhari
विदेश
Global Ime bankGlobal Ime bank
छुरा आक्रमणका विषयमा इंग्ल्यान्डको अर्को सहरमा हुलदंगा

लन्डन । उत्तरपूर्वी इंग्ल्यान्डकोे सन्डरल्यान्डमा शुक्रबार साँझ भएको हुलदंगामा अधिकारीहरूले गम्भीर र निरन्तर हिंसाको सामना गरेको प्रहरीले जनाएको छ । यो हप्ताको सुरुमा भएको सामूहिक छुरा प्रहारको घटनालाई लिएर यो हुलदंगा भएको हो ।

घण्टौँको हुलदंगापछि आठजनालाई पक्राउ गरिएको र तीन अधिकारीलाई उपचारका निम्ति अस्पताल लगिएको नर्थम्ब्रियाका प्रहरी वरिष्ठ उपरीक्षक हेलेना ब्यारनले बताइन् ।

बीबीसीले प्रसारण गरेको फुटेजमा सन्डरल्यान्डको सिटी सेन्टरमा सयौँको भीडले प्रहरीमाथि आक्रमण गरेको र एउटा कार र प्रहरी कार्यालयको छेउमा रहेको भवनमा आगो लगाएको देखाइएको छ । 

“हामीले आज साँझ सन्डरल्यान्डमा देखेका स्तब्धकारी दृश्यहरू पूर्ण रूपमा अस्वीकार्य छन्,” ब्यारनले भनिन्, “अव्यवस्था, हिंसा र क्षति सहन गरिने छैन ।”

उनले थपिन्, “पक्राउ परेका आठजनाबाहेक अन्य संलग्न व्यक्तिहरू पत्ता लगाउन अनुसन्धान भइरहेको छ ।”

घटनाको जवाफमा आन्तरिकमन्त्री यभेट कुपरले दंगाकारीलाई कडा कारबाही गर्न सरकारको समर्थन रहेको बताए । “उनीहरूले बेलायतको प्रतिनिधित्व गर्दैनन्,” कुपरले भने ।

यसअघि, लिभरपुल सिटी सेन्टर र वरपरको अव्यवस्था र आपराधिक कार्य रोक्न अतिरिक्त अधिकारीहरू तैनाथ गरिएको मर्सीसाइड प्रहरीले जनाएको थियो ।

प्रधानमन्त्री कीर स्टारमरले हिंसात्मक कार्य गर्ने जो कोहीलाई कानुनको दायराभित्र ल्याउने वाचा गरेका छन् । रासस/एएफपी

प्रकाशित मिति: शनिबार, साउन १९, २०८१  १५:२२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro