मिर्गौला प्रत्यारोपणको तयारीमा रहेका गुरुदेव कामतको निधन

कला

मिर्गौला प्रत्यारोपणको तयारीमा रहेका गुरुदेव कामतको निधन

बिहीबार, साउन १७, २०८१

मिर्गौला प्रत्यारोपणको तयारीमा रहेका गुरुदेव कामतको निधन

काठमाडौं । संगीत प्रशिक्षक गुरुदेव कामतको निधन भएको छ । बिहीबार बिहान उनको निधन भएको हो ।

६९ वर्षको उमेरमा आज बिहान सिरहास्थित आफ्नै निवासमा उनको निधन भएको बताइएको छ । उनी मिर्गौला रोगबाट पीडित थिए ।

कामत मिर्गौला प्रत्यारोपणको तयारीमा थिए । आर्थिक अवस्था कमजोर भएपछि उनी केही समयअघि मात्र काठमाडौंबाट गृहजिल्ला सिरहा फर्किएका थिए । उनले नियमित डायलासिस गराउँदै आएका थिए ।

कामतले लामो समयदेखि संगीत सिकाउँदै आएका थिए । पछिल्लो पुस्ताका धेरै गायकगायिकाले उनीसँग संगीतको शिक्षा लिएका छन् । “करिब ४० वर्षदेखि उहाँले संगीत सिकाउँदै आउनुभएको थियो,” संगीतकार तथा संगीत रोयल्टी संकलन समाजका अध्यक्ष सुरेश अधिकारीले बाह्रखरीसँग भने, “उहासँग संगीत सिकेका सयौँ कलाकार अहिले फ्रन्टलाइनमा सक्रिय हुनुहुन्छ ।”