गोरखा पहिरो अपडेट : अझै भेटिएनन् पाँचजना

देश

गोरखा पहिरो अपडेट : अझै भेटिएनन् पाँचजना

आइतबार, साउन १३, २०८१

गोरखा पहिरो अपडेट : अझै भेटिएनन् पाँचजना

गोरखा । उत्तरी गोरखाको धार्चे गाउँपालिका–५, सिङ्लास्थित रेसेमा पहिरामा बेपत्ता भएका पाँचजना अझै भेटिएका छैनन् । उनीहरू गए राति गएको भीषण पहिरोमा बेपत्ता भएका थिए ।

खोजी सुरु भएको करिब १३ घण्टासम्म पनि बेपत्ता पाँचै जनाको अवस्था अज्ञात रहेको जिल्ला प्रहरी कार्यालय गोरखाका प्रहरी नायब उपरीक्षक (डीएसपी) रमेशकुमार श्रेष्ठले जानकारी दिए ।

‘‘बेपत्ताको खोजीका लागि घटनास्थलमा डोजरको प्रयोग गरिएको छ,’’ उनले भने, ‘‘अहिलेसम्म कोही पनि फेला परिसकेको अवस्था छैन ।’’

पहिराले घर गहिरो गरी पुरिएकाले बेपत्ताको खोजी गर्न कठिनाइ भएको उनले बताए । पुरिएको घर आसपास ठाउँ र भित्तामा खोतल्ने काम भइरहेको डीएसपी श्रेष्ठको भनाइ छ । खोजीमा नेपाली सेना, नेपाल प्रहरी, सशस्त्र प्रहरी र स्थानीय खटिएका छन् । रासस