![अर्थमन्त्रीले गभर्नरलाई भने– मौद्रिक नीतिले विद्यमान समस्यालाई सम्बोधन गर्न सहयोग गर्छ](https://12khari.top/uploads/posts/Bishnu_mahaprasad-1721995830.jpg)
काठमाडौं । उपप्रधान तथा अर्थमन्त्री विष्णुप्रसाद पौडेलले नेपाल राष्ट्र बैंकले जारी गरेको मौद्रिक नीतिले नेपालको अर्थतन्त्रमा भएका विद्यमान समस्याहरूलाई सम्बोधन गर्न सहयोग गर्ने बताएका छन् । शुक्रबार मौद्रिक नीति सार्वजनिक भएपछि मन्त्रालयमा गभर्नर महाप्रसाद अधिकारीले मन्त्री पौडेलसँग भेट गरेका थिए ।
भेटमा अर्थमन्त्री पौडेलले मौद्रिक नीतिले निजी क्षेत्रका उद्योगी व्यवसायीको समस्याहरूलाई समाधान गर्न सहजीकरण गर्ने र थप लगानीका लागि मनोबल बढाउने विश्वास व्यक्त गरे ।
"मौद्रिक नीति राम्रो छ । अर्थतन्त्रमा देखिएका समस्याहरूलाई समाधान गर्न सहयोग पुर्याउने गरी लचिलो रूपमा आएको छ," अर्थमन्त्री पौडेलले भने, "मौद्रिक नीतिले कर्जा विस्तार गर्न र उत्पादनको क्षेत्रमा लगानी बढाउन सहयोग पुर्याउनेछ ।"