काठमाडौं । प्रभु स्टक मार्केट सञ्चालनमा आएको छ । प्रभु बैंक लिमिटेडको स्वामित्वमा प्रभु स्टक मार्केट सञ्चालनमा आएको हो । मार्केटको प्रभु बैंक लिमिटेड सञ्चालक समितिका अध्यक्ष लिला प्रकाश सिटौलाले औपचारिक उद्घाटन गरेका छन् । 

सिटौलाले प्रभु बैंकको सहायक कम्पनीको रूपमा स्थापित कम्पनीले आगामी दिनमा सेयर कारोबारसँग सम्बन्धित सेवा सहज रूपमा दिने विश्वास व्यक्त गरे ।

उनले व्यावसायिक सेवा प्रदान गर्दै नेपालको पुँजी बजारको विकासमा आफ्नो तर्पmबाट योगदान दिने बताए । 

त्यस्तै, प्रभु बैंकका प्रमुख कार्यकारी अधिकृत अशोक शेरचनले बैंकको सहायक कम्पनीका रूपमा अर्को एउटा संस्था स्थापित भएकाले खुसी लागेको बताए ।

प्रभु स्टक मार्केट लिमिटेडका प्रमुख कार्यकारी अधिकृत भीष्मप्रसाद उप्रेतीले ब्रोकर कम्पनीको रूपमा स्थापित यस संस्थाले धितोपत्र खरिद बिक्रीसम्बन्धी सम्पूर्ण सेवाहरू एकै ठाँउबाट सरल र सहज रूपमा प्रदान गर्ने प्रतिबद्धता जनाए ।