![रुसी टिमविरुद्ध नेपाल सोझो सेटमा पराजित](https://12khari.top/uploads/posts/volleyball-rus-1721569451.jpg)
काठमाडौं । रुसी टिमसँगको पहिलो मैत्रीपूर्ण भलिबलमा नेपाली राष्ट्रिय महिला टिमले सोझो सेटमा हार व्यहोरेको छ । आइतबार त्रिपुरेश्वरस्थित राष्ट्रिय खेलकुद परिषद् (राखेप) परिसरको कभर्ड हलमा सम्पन्न खेलमा नेपालले शारीरिक र रणनीतिक रूपमा बलियो रुसी टिमसँग पहिलो सेट २५–१७ ले गुमाएको थियो ।
दोस्रो सेटमा नेपालले सुधारिएको प्रदर्शन गरे पनि २५–१९ को हार व्यहोर्यो । अन्तिम सेट २५–१५ ले सहजै जितेपछि रुसी टिमले सोझो सेटमै घरेलु समर्थकमाझ नेपाललाई निराश बनाएको हो ।
नेपालले यसै महिनादेखि घरेलु कोर्टमै आयोजना हुने काभा नेसन्स लिगअघि तयारीस्वरूप रुसको टिमसँग दुई मैत्रीपूर्ण खेल खेल्न लागेको हो ।
साउन १७ गतेदेखि हुने उक्त प्रतियोगितामा नेपालसँगै भारत, इरान, श्रीलंका र माल्दिभ्सले सहभागिता जनाउनेछन् । यी दुई टिमबीचको दोस्रो खेल भोलि त्रिपुरेश्वरमै हुनेछ ।