मस्को । युक्रेनी ड्रोन आक्रमणपछि रुसको रोस्तोभ क्षेत्रमा शनिबार एउटा इन्धन डिपोमा आगलागी भएको त्यहाँका गभर्नर भासिली गोलुबेभले टेलिग्राममा बताएका छन् ।

ड्रोन आक्रमणपछि सिमल्यान्स्की जिल्लाको पेट्रोल रिफाइनरीमा आगलागी हुँदा कुनै हताहत भने नभएको गोलुबेभले टेलिग्राममा उल्लेख गरेका छन् ।

यो क्षेत्र ‘फ्रन्टलाइन’बाट सयौँ किलोमिटर टाढा छ । यसैबीच, रुसको रक्षा मन्त्रालयले आफ्ना सेनाले चार युक्रेनी ड्रोन खसालेको घोषणा गरेको छ ।

मस्को र किभ दुवैले ड्रोन प्रयोग गरेका छन्, जसमा सन् २०२२ फेब्रअरीमा सुरु भएको द्वन्द्वमा सयौँ किलोमिटर फैलिएको दायरासहित ठूलो सेल्फ–डिटोनेटिङ क्राफ्ट समावेश छ । रासस/एएफपी