काठमाडौं । उपप्रधान एवं परराष्ट्रमन्त्री तथा नेकपा (माओवादी केन्द्र)का वरिष्ठ उपाध्यक्ष नारायणकाजी श्रेष्ठले कम्युनिस्ट आन्दोलनलाई सकारात्मक रूपमा अघि बढाउन आवश्यक रहेको बताएका छन् । बिहीबार बालुवाटारमा स्व. सीता दाहालको पहिलो वार्षिकीमा श्रद्धासुमन अर्पण गर्दै उनले यस्तो बताएका हुन् ।

अहिलेको आवश्यकता जनताको आन्दोलनबाट प्राप्त उपलब्धिलाई रक्षा गर्नु रहेको उनले उल्लेख गरे । उनले आन्दोलनलाई रक्षा गर्दै नागरिकको चाहनाबमोजिम काम गर्न आवश्यक रहेको औँल्याए ।

विभिन्न बहानामा प्रतिगामी तत्त्वले आन्दोलनमाथि धावा बोल्ने काम गरिरहेको भन्दै उनले यसलाई माथि उठ्न दिन नहुनेमा जोड दिए ।

उपाध्यक्ष श्रेष्ठले सीता दाहालको निधनबाट पार्टीलाई अभिभावकको अभाव खड्किरहेको बताए । न्युज एजेन्सी नेपाल