पेरिस । फ्रान्सका तत्कालीन बादशाह नेपोलियन बोनापार्टका दृुई पेस्तोल १.६९ मिलियन युरोमा बिक्री भएको छ । ती पेस्तोल  पेरिसका बन्दुक निर्माता लुइज मरिन गोसेटले बनाएका हुन् ।

ओसेनट अक्सन हाउस (लिलामी घर)मा आइतबार ती पेस्तोल  बिक्री भए । नेपोलियनले पदत्याग गर्नुअघि तिनै पेस्तोल प्रयोग गरेर  सन् १८१४ मा आत्महत्याको प्रयास समेत गरेका बताइन्छ ।

फ्रान्सको संस्कृति मन्त्रालयले उक्त पेस्तोललाई राष्ट्रिय खजानाका रूपमा वर्गीकरण गर्दै विदेश निर्यातमा रोक लगाएको थियो । सुन र चाँदीजडित ती पेस्तोलमा नेपोलियनको तस्बिर कुँदिएको छ ।

ऐतिहासिक नेता नेपोलियन सन् १८१५ मा इल्बाको मेडिटरेनियन आइल्यान्डमा प्रवासमा बसेर पुनः फर्केका थिए । तर, पछि वाटरलूको लडाइँमा उनी पराजित भए । दोस्रो निर्वासनका क्रममा दक्षिण एटलान्टिकको सेन्ट हेलेनमा १८२१ मा उनको निधन भएको थियो । बीबीसीबाट ।