काठमाडौं । ग्लोबल आइएमई बैंक लिमिटेड र आरुष लाइफस्टाइल हस्पिटल प्रा.लि.बीच छुटसम्बन्धी सम्झौता भएको छ । बैंकको कार्ड तथा मोबाइल बैंकिङ प्रयोगकर्ता ग्राहकलाई आरुष लाइफस्टाइल हस्पिटलका सेवामा छुट दिने सम्झौता भएको हो । यो समझदारीसँगै उक्त हस्पिटलले दिने विभिन्न सेवामा बैंकका ग्राहकहरूले ३० प्रतिशतसम्म छुट पाउनेछन् ।

उक्त समझदारी पत्रमा बैंकका चिफ मार्केटिङ अफिसर दिलीप पोखरेल र आरुष लाइफस्टाइल हस्पिटलका प्रमुख कार्यकारी अधिकृत डा. सन्तोष शाक्यले हस्ताक्षर गरेका छन् ।

समझदारी अनुसार बैंकको डेबिट र क्रेडिट कार्डवाहक तथा बैंकको मोबाइल बैंकिङ ‘ग्लोबल स्मार्ट प्लस’ प्रयोगकर्ताहरूले आरुष लाइफस्टाइल हस्पिटलमा उपलब्ध सेवामा १० देखि ३० प्रतिशतसम्म छुट प्राप्त गर्नेछन् ।

बैंकका ग्राहकहरूले आरुष लाइफस्टाइल हस्पिटलको कुपन्डोल हाइट, ठिमी चारदोबाटो (शंखधर चोक), टुसाल बौद्धनाथ मार्ग, न्युरोड पोखरा, बर्गाछि विराटनगरस्थित शाखा कार्यालयबाट पनि उपलब्ध हुने सेवामा सम्झौता अनुसारका छुट पाउनेछन् ।

ग्लोबल आइएमई बैंकका ७७ वटै जिल्लामा शाखा सञ्जाल रहेका छन् । बैंकले ३५४ शाखा कार्यालय, ३८४ एटीएम, २७७ शाखारहित बैंकिङ सेवा, ६८ एक्सटेन्सन तथा राजस्व संकलन काउन्टर तथा तीन वटा वैदेशिक प्रतिनिधि कार्यालयमार्फत सेवा दिँदै आएको छ ।