देश
![बर्दियामा जुवातास खेलिरहेका सातजना समातिए](https://12khari.top/uploads/posts/tas baramad pakrau damak1627740766.jpg)
काठमाडौं । बर्दियामा जुवातास खेलिरहेको अवस्थामा सातजनालाई प्रहरीले नियन्त्रणमा लिएको छ । गुलरिया नगरपालिका–२ स्थित हिना राइस मिल पछाडि सगुनका रुखहरूको बीचमा जुवातास खेलिरहेको अवस्थामा उनीहरूलाई पक्राउ गरिएको प्रहरीले जनाएको छ ।
पक्राउ पर्नेमा बर्दियाकै राजापुर नगरपालिका–६ का ५२ वर्षीय धुवु देवकोटा समेत सातजना छन् । शनिबार (हिजो) बेलुका उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।
नगद एक लाख ३१ हजार २०५ रुपैयाँ र पाँच बुक ताससहित उनीहरूलाई नियन्त्रणमा लिइएको प्रहरीले जनाएको छ ।
प्रकाशित मिति: आइतबार, जेठ २७, २०८१ १४:२२
प्रतिक्रिया दिनुहोस्