शिक्षामन्त्रीमाथि ओेलीको टिप्पणी स्तरहीन राजनीति : विश्वप्रकाश शर्मा

राजनीति

शिक्षामन्त्रीमाथि ओेलीको टिप्पणी स्तरहीन राजनीति : विश्वप्रकाश शर्मा

बिहीबार, जेठ २४, २०८१

शिक्षामन्त्रीमाथि ओेलीको टिप्पणी स्तरहीन राजनीति : विश्वप्रकाश शर्मा

काठमाडौं । प्रमुख प्रतिपक्षी नेपाली कांग्रेसका महामन्त्री तथा सांसद विश्वप्रकाश शर्माले शिक्षामन्त्रीका विषयमा पूर्वप्रधानमन्त्री तथा एमाले अध्यक्ष केपी शर्मा ओलीले गरेको टिप्पणी गलत भएको बताएका छन् ।

बिहीबार प्रतिनिधिसभा बैठकको विशेष समयमा उनले विवाह गर्नु व्यक्तिगत स्वतन्त्रता रहेको भन्दै त्यसलाई आधार बनाएर कसैमाथि टिप्पणी गर्नु स्तरहीन राजनीति भएको बताए ।

ओलीलक्षित सुमनाको प्रश्न– विदेशीसँग कुनै सम्बन्ध हुँदैमा मान्छे देशद्रोही भइ हाल्छ ?

“विवाह कसले कोसँग गर्ने, नितान्त व्यक्तिगत स्वतन्त्रताको कुरा हो । अघिल्लो पुस्ताको अग्रज नेताहरूले पछिल्ला पुस्ताको जुनसुकै दलका नेता हुन्, उदाउँदो कुनै पनि राजनीतिक दललाई निरुत्साहित गर्नुहुन्न, प्रोत्साहित गर्नुपर्छ,” शर्माले भने, “प्रधानमन्त्रीको उचाइमा पुग्नुभएको नेताहरूले एक अलग सम्मानमा रहनुपर्छ । जोसँग जहाँ पनि जोरी खोज्न मैदानमा उत्रनुहुन्न ।”

उनले कसैलाई निष्ठुरी साइँला भन्दिने, कसैलाई बैगुनी कान्छा भन्दिने कुरा स्वभनीय नभएको बताए ।