नयाँ दिल्ली । भारतमा सत्तारुढ भारतीय जनता पार्टी (भाजपा) यसपालिको लोकसभा निर्वाचनको मतगणनामा अगाडि देखिए पनि विपक्षी कांग्रेस गठबन्धनले केही प्रगति गर्ने संकेत देखिएको छ । 

तथापि, विश्लेषक रजत सेठी अल जजिरासँगको कुराकानीमा भाजपाले सजिलैसँग बहुमत ल्याउने बताउँछन् । उनले आगामी पाँच वर्ष नरेन्द्र मोदी नै प्रधानमन्त्री हुने, तर सिट केही घट्ने जनाएका छन् । यसअघि भाजपाले दक्षिणी राज्य केरलामा कहिल्यै नजिते पनि यसपालि दुई सिटमा त्यहाँ पनि अग्रता देखाइरहेको छ । 

गणनाका क्रममा विपक्षी कांग्रेसले ९० भन्दा बढी सिटमा अग्रता लिएकोमा कांग्रेस कार्यकर्तामा खुसियाली छाएको बीबीसी हिन्दीले राखेको तस्बिरमा देखिन्छ ।

नयाँ दिल्लीमा सातवटै सिटमा भाजपा अघि रहेको जनाइएको छ । उत्तर प्रदेशको अमेठीमा भाजपाकी चर्चित नेतृ स्मृति इरानी पछि परेकी छन् भने उनलाई कांग्रेसका किशोरीलाल शर्मा पछि पारेका छन् । बीबीसी