![६ प्रतिशतको आर्थिक वृद्धिको लक्ष्य चुनौतीपूर्ण : सांसद शाक्य](https://12khari.top/uploads/posts/rastriya-sava4-1717324818.jpg)
काठमाडौं । नेकपा (एमाले)बाट राष्ट्रियसभा सदस्य रहेकी अञ्जान शाक्यले सरकारले ल्याएको बजेटमा आर्थिक सुधार, निजी क्षेत्रको प्रवर्द्धन, कृषिको व्यवसायीकरण, ऊर्जा, सूचना प्रविधि, पर्यटन, औद्यागिक विकास र पूर्वाधार निर्माण रहनु स्वागतयोग्य भएको बताएकी छन् । सोमबारको राष्ट्रियसभा बैठकमा बजेटमाथिको छलफलका क्रममा उनले यस्तो बताएकी हुन् ।
उनले आवश्यक स्रोत परिचालनको समुचित व्यवस्था, प्रशासनिक व्यवस्थामा सुधार, कर प्रशासनमा सुधार, सार्वजनिक ओहदामा बस्ने पदाधिकारीको देश र जनताप्रतिको जवाफदेहीतामा संरचनात्मक सुधारको आवश्यकता रहेको औँल्याइन् । आउँदो आर्थिक वर्षमा सरकारले कुल पुँजीगत खर्च गर्न सक्ने कि नसक्ने भन्ने चुनौती रहेको उनले उल्लेख गरिन् ।
कुल गार्हस्थ उत्पादनमा ६ प्रतिशतको आर्थिक वृद्धिको लक्ष्य राखिएको भए पनि आवश्यक स्रोत परिचालनको व्यवस्था चुनौतीपूर्ण रहेको उनले बताइन् । न्युज एजेन्सी नेपाल