काठमाडौं । नेपालका लागि महिन्द्रा अटोमोबाइल र ट्रयाक्टरको आधिकारिक वितरक अग्नी ग्रुपले आफ्नो अफर योजनाका विजेतालाई उपहार प्रदान गरेको छ ।

कम्पनीले पाँच केभीए महिन्द्रा पावरोल जेनेरेटर जितेका चरिकोटको देवकोटा निर्माण सेवालाई केही दिनअघि वैशाख २६ गते काठमाडौंमा उक्त पुरस्कार हस्तान्तरण गरेको बताएको छ ।

जावा फोर्टी टु मोटरसाइकलका विजेता मिसेक फयाकलाई उनकै स्थानीय ठाउँ विर्तामोडमा वैशाख २७ गते उक्त पुरस्कार हस्तान्तरण गरेको कम्पनीले जनाएको छ ।

महिन्द्रा इलेक्ट्रिीक तीन पांग्रे रिक्सा–ट्रियो यारी जितेका आदेश कुँवरलाई वीरगन्जमा वैशाख २९ गते उक्त पुरस्कार प्रदान गरेको कम्पनीले बताएको छ ।

विश्वकर्मा पूजा, दसैँ, तिहार र छठ पर्वलाई लक्षित गरी कम्पनीले “महिन्द्रा उत्सव २०२३” अफर योजना सार्वजनिक गरेको थियो ।

सो योजना अन्तर्गतका विजेताको नामावली लक्की ड्रमार्फत गत चैत ६ गते कम्पनीले सार्वजनिक गरेको थियो । कम्पनीले आगामी दिनमा पनि यस्तो योजना ल्याउने जनाएको छ ।