नयाँ दिल्ली । भारतको सर्वोच्च अदालतबाट अन्तरिम आदेश पाएर केही हप्ताका निम्ति जेलबाट छुटेका नयाँ दिल्लीका मुख्यमन्त्री अरविन्द केजरीवालले जारी लोकसभा निर्वाचनलाई ध्यान दिँदै ‘केजरीवालका १० ग्यारेन्टी’ घोषणा गरेका छन् ।

लोकसभा निर्वाचनपछि गठबन्धनको सरकार बनेमा आफूले यी ग्यारेन्टी पूरा गर्ने उनले जनाएका छन् ।

यी हुन् उनका १० ग्यारेन्टी–
– देशभित्र २४ घण्टा बिजुलीको व्यवस्था गरिनेछ ।
– देशका सबै सरकारी विद्यालयलाई निजीभन्दा राम्रो गुणस्तरका  बनाइनेछ ।
– देशका हरेक गाउँमा मोहल्ला क्लिनिक बनाइनेछ ।
– चीनले कब्जा गरेको सबै भूभाग फिर्ता ल्याइनेछ ।
– अग्निवीर योजनालाई बन्द गरिनेछ ।
– किसानलाई एमएसपी (मिनिमम सपोर्ट प्राइस)का आधारमा फसल (उब्जनी)को पूरै मूल्य दिइनेछ ।
– दिल्लीलाई पूर्ण राज्यको दर्जा दिइनेछ ।
– एक वर्षभित्र दुई करोड मानिसलाई रोजगारी दिइनेछ ।
– देशबाट भ्रष्टाचारको अन्त्य गरिनेछ ।
– व्यापारीको लागि व्यापार गर्ने बाटो सहज बनाइनेछ ।

केजरीवाललाई दिल्लीमा सराब (मदिरा) घोटाला प्रकरणमा यसअघि थुनामा राखिएकामा आउँदो जुन १ सम्म उनलाई अन्तरिम जमानत मिलेको हो । बीबीसी हिन्दीबाट ।