अर्थ व्यवसाय
काठमाडौं । नेपाल उद्योग वाणिज्य महासंघकी पूर्वअध्यक्ष भवानी राणाले सरकारको स्थिर नीति र बैंकको स्थिर ब्याज नहुँदा व्यवसायीहरू समस्यामा परेको बताएकी छिन् ।
नेपाल चार्टर्ड एकाउन्टेन्टस् संघले बिहीबार आयोजना गरेको आर्थिक मन्दीबाट सहजतातिर भन्ने बहसमा बोल्दै राणाले यस्तो बताएकी हुन् ।
"व्यवसायीको मनोबल कमजोर हुँदा व्यावसायिक जगतमा अहिले समस्या निम्तिएको छ । मनोबल बढाउन सरकारको स्टेबल पोलेसी र ब्याजदर स्थिर हुनुपर्छ," उनले भनिन्, "अहिले नै स्थिति बिग्रिसकेको अवस्था छैन, व्यवसायीको कन्फिडेन्ट बढाउनु पर्छ ।"
आगामी बजेटमा समग्र अर्थतन्त्रलाई चलायमान बनाउने कार्यक्रम र नीति अवलम्बन गर्नुपर्ने पनि उनको भनाइ छ ।
प्रकाशित मिति: बिहीबार, वैशाख २७, २०८१ १३:०९
प्रतिक्रिया दिनुहोस्