काठमाडौं । सुजुकीकाे चारपांग्रे सवारीसाधनको नेपालका लागि आधिकारिक वितरक सीजी होल्डिङ्सले ‘अ राइड विथ अ कज’ सम्पन्न गरेको छ ।  सीजी होल्डिङ्सअन्तर्गतको अटोमोटिभ डिभिजन सीजी मोटोकर्प एवं सीजी नेक्स्टजेनले राइड आयोजना गरेको हो । सुजुकीको जिम्नीका माालिकले गाडीको वास्तविक क्षमता पत्ता लगाउन सकून भन्ने राइडको उद्देश्य भएको कम्पनीले जनाएको छ । 

गएको वैशाख २३ देखि सुरू भएर २९ गते सम्पन्न भएको राइड बुटवल, सुर्खेत, कालिकोट, रारा, जुम्ला हुदै सुर्खेतमा समापन भएको थियो । बुटवलबाट सुरू भएको रारा एडभेन्चर राइडमा मारुती सुजुकी इन्डिया लिमिटेडका डिभिजनल म्यानेजर अनिल सैनले जिम्नी एक लोकप्रिय लाइफ स्टाइल एसयूभी भएको बताए ।

हाल ९० भन्दा धेरै देशमा सार्वजनिक जिम्नी ३० हजारभन्दा धेरै युनिट बिक्री भइसकेको कम्पनीले जनाएको छ ।राइडमा १० जिम्नी गाडी रहेका थिए । राइडलाई थप अर्थपूर्ण बनाउन कालिकोटको सरस्वती आधारभूत विद्यालयलाई दुई लाखको सहयोग हस्तान्तरण गरिएको कम्पनीले जनाएको छ ।

१३५ भन्दा बढी विद्यार्थी रहेको विद्यालयलाई मुलपानी–८, कालीकोटका वडा अध्यक्ष लालबहादुर बिस्टको उपस्थितिमा सहयोग हस्तान्तरण गरिएको थियो । राइडमा सहभागी कम्पनीका ग्राहक शिव श्रेष्ठले रारा फेरि जाने इच्छा रहेको र अफ रोडिङ क्षमताका कारण जिम्नी खरिद गरेको बताएका थिए ।

राइडमा सहभागी अर्का जिम्नी धनी आदित्य थापाले जिम्नीसहितको राइड विशेष रहेको बताए ।  कार्यक्रमबारे सीजी मोटोकर्प तथा सीजी नेक्स्टजेनका महाप्रबन्धक सिरज पन्तले जिम्नीले एडभेन्चर रोज्ने ग्राहकको माग पूरा गर्ने बताएका छन् ।