काठमाडौं । नेपाली कथानक चलचित्र ‘मनसरा’को पहिलो गीत रिलिज गरिएको छ । सोमबार रिलिज गरिएको ‘झ्यालको’ बोल रहेको गीतमा झुमा लिम्बूको कम्पोजिसन छ । गीतमा हर्क साउदको शब्दरचना छ । 

सनुप पौडेल र झुमा लिम्बूको स्वर रहेको गीतको भिडियोमा चलचित्रका मुख्य कलाकारका केही दृश्य समावेश छन् । 

सिनेमामा प्रविण खतिवडा, मिरुना मगर, मेनुका प्रधान, दयाहाङ राईको मुख्य भूमिका छ । 

उपेन्द्र सुब्बाको लेखन तथा निर्देशन रहेको चलचित्र वैशाख २१ गतेबाट रिलिज हुनेछ ।