काठमाडौं । काठमाडौंको शंखमूलको आगलागी नियन्त्रणमा लिइएको छ । पाँच दमकलको सहायतामा आगलागी नियन्त्रणमा लिइएको जिल्ला प्रहरी परिसर काठमाडौंले जानकारी गराएको छ ।

आइतबार दिउँसो करिब १२ः४५ बजे शंखमूल दोभान पुलस्थित देवी अटोमोबाइल्समा आगलागी भएको थियो । आगलागी फैलिएर सँगै जोडिएको जस्ताका टहरामा सञ्चालित मोटरसाइकल वर्कसप, पान पसल, माछा पसल, खाजा पसल, तरकारी, फलफूल तथा किराना पसल, मासु पसल, रेस्टुरेन्टमा समेत क्षति भएको प्रहरीले जनाएको छ ।

स्थानीय बासिन्दा, प्रहरी र ललितपुरका दुई र काठमाडौं महानगरपालिकाका तीन दमकलको सहायतमा दिउँसो करिब २ बजे आगो पूर्ण रूपमा नियन्त्रणमा लिइएको प्रहरीले जानकारी गराएको छ ।

प्रहरीका अनुसार, विद्युत्को तार सर्ट भई आगलागी भएको थियो । क्षतिको यकिन विवरण खुल्न बाँकी रहेको प्रहरीले जनाएको छ ।