site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
लगानी सम्मेलनमा १९ सयभन्दा बढीलाई निमन्त्रणा, ५३ देशका लगानीकर्ता आउँदै
लगानी सम्मेलनका तयारीका लागि आयोजना गरिएको छलफल । फाइल तस्बिर ।

काठमाडौं । सरकार लगानी सम्मेलन आयोजनाको लगभग अन्तिम चरणमा पुगेको छ । यही वैशाख १६ र १७ गते काठमाडौंमा सरकारले तेस्रो लगानी सम्मेलनको आयोजना गर्दै छ ।

सम्मेलनका लागि लगानी बोर्डले हालसम्म विभिन्न देशका एक हजार ९०० भन्दा बढी लगानीकर्ता, कम्पनी एवं प्रतिनिधिहरूलाई निमन्त्रणा पठाएको छ । बोर्डका अनुसार मंगलबार बिहान ८ बजेसम्म हजारभन्दा बढीले निम्तो स्वीकारेर जवाफ पठाएका छन् । ५३ देशका एक हजार १९ जनाले निम्तो स्वीकारेका हुन् ।

लगानी सम्मेलनमा उपस्थित हुन सबैभन्दा धेरै विदेशी चीनबाट २६५ जनाले निम्तो स्वीकारेका छन् । दोस्रोमा भारतबाट १४३ जनाले निमन्त्रणा स्वीकार गर्दै बोर्डलाई जवाफ फर्काएका छन् ।

तेस्रोमा अमेरिकाबाट ३३ जनाले निमन्त्रणा स्वीकारेका छन् । जापानबाट २८, बेलायतबाट १४, बंगलादेशबाट १३, युनाइटेड अरब एमिरेट्स (यूएई)बाट पनि १३, जमर्नीबाट १०, दक्षिण कोरिया, अष्ट्रेलिया र मलेसियाबाट नौ/नौजनाले सम्मेलनमा उपस्थित हुने जानकारी दिएका छन् । 

यस्तै, पाकिस्तानबाट आठ, सिंगापुरबाट ६ र कतारबाट पाँचजनाले लगानी सम्मेलनमा सहभागी हुने जवाफ फर्काएका छन् । फ्रान्सबाट चार, रुसबाट तीन र क्यानडाबाट एकजनाले निम्तो स्वीकारेका छन् । लगानी सम्मेलनअघि निम्तो स्वीकार्नेको संख्या अझै बढ्ने बोर्डले जनाएको छ ।

प्रकाशित मिति: मंगलबार, वैशाख ११, २०८१  १४:०२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro