site stats
बाह्रखरी :: Baahrakhari
राजनीति
Global Ime bankGlobal Ime bank
ओलीप्रति माधव नेपालको टिप्पणी– अरूलाई चुनौती दिने काम नगरौँ

काठमाडौं । सत्तासाझेदार दल नेकपा (एकीकृत समाजवादी)का अध्यक्ष एवं पूर्वप्रधानमन्त्री माधवकुमार नेपालले केपी ओलीका नाममा हुने खेलकुद प्रतियोगिताप्रति आपत्ति जनाएका छन् ।

शनिबार पार्टीको कोसी प्रदेश कमिटीले काठमाडौंमा आयोजना गरेको एक कार्यक्रममा उनले ओलीमा व्यक्तिवाद भएकाले आफ्नै नाममा प्रतिष्ठान खोल्ने, खेलकुद प्रतियोगिता आयोजना गर्ने गरेको भन्दै आक्रोश व्यक्त गरे । बुर्जुवा पार्टीमा ज्युँदो नेताका नाममा प्रतिष्ठान खोल्ने, खेलकुद प्रतियोगिता गर्ने चलन नभए पनि ओलीको व्यक्तिवादी चरित्रकै कारण त्यो सम्भव भएको उनको भनाइ थियो ।

Dabur Nepal
NIC Asia

“एउटा पार्टी छ, जसले आफ्नो नेताको नाममा प्रतिष्ठान खोलिदिएको छ । आफ्नै नेताको नाममा खेलकुद प्रतियोगिता गरिदिएको छ । ज्युँदै फेरि,” उनले भने, “पुष्पलालको नाममा भएको भए राम्रै हुन्थ्यो । मनमोहनजीको नाममा भएको भए गज्जबको राम्रो हुन्थ्यो । मदन भण्डारीको नाममा भएको भए क्याबातको कुरा हुन्थ्यो ।”

अध्यक्ष नेपालले २० वर्ष अझै पार्टीको नेतृत्व गर्छु भने पनि ओलीलाई चुनौती दिनेहरू जन्मिएको टिप्पणी गरे । देश र जनताको सेवा गरौँ भन्नुपर्नेमा ओलीले आफ्नो विकल्प नभएको भन्दै चुनौती दिँदै हिँडेको उनले बताए ।

“...यसलाई भन्छन्– व्यक्तिवाद । अनि, त्यही व्यक्तिवाद बोक्नेले के भन्छ भने– २० वर्षसम्म कसैले नेतृत्व ताक्छ त ? यस्तो भन्नु हुँदैन,” उनले भने ।

उनले ओलीप्रति संकेत गर्दै मिठो बोल्न, देश र जनताको हितमा काम गर्न आग्रह गरे । “...हामी सबै बाचुन्जेल देश र जनताको सेवा गरौँ है, लिएर जानु के छ र है भनेर भन्नु पो पर्‍यो त । चुनौती दिने होइन,” उनले भने, “होइन भने चुनौती दिने अरू पनि जन्मेका छन् । यो हेक्का होस् । समाजमा सम्बन्धहरू किन बिग्रन्छन् ? किनभने, व्यवहार गर्न नजानेर । अहंकार बोकेर । अरूको मानमर्दन गरेर । अनि, अरूलाई दाससरह व्यवहार गरेर ।”

अध्यक्ष नेपालले ओलीले अरूको मानमर्दन गर्ने गरेको गुनासो पनि गरे । न्युज एजेन्सी नेपाल

Laminar Tiles Banner adLaminar Tiles Banner ad
NIBLNIBL
प्रकाशित मिति: शनिबार, वैशाख ८, २०८१  २१:२६
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro