तेहरान । इजरायलको आक्रमणको मुख्य निसाना बनाइएको भनिएको इरानी सहर इशाफान सुरक्षित रहेको त्यहाँको राष्ट्रिय टीभीले जनाएको छ । सो टीभीले इशाफानको एउटा भवनबाट आफ्नो रिपोर्टरले रिपोर्टिङ गर्दै गरेको समाचार प्रसारण गरेको छ ।

“सहर सुरक्षित छ । मानिस आफ्नो सामान्य जनजीवनमा रहेका छन्,” समाचारमा उल्लेख छ, “केही घण्टाअघि आकाशमा आवाज सुनिए पनि त्यति बेला थुप्रै मिनि ड्रोन आकाशमा देखिएका थिए र ती लक्षित गरिए ।”

• तीन ड्रोन ध्वस्त पारिएको इरानको दाबी, तेल र सुनको मूल्य एक्कासि बढ्यो

यद्यपि, अहिलेसम्म सो प्रान्तका अधिकारीहरूले आधिकारिक रूपमा कुनै जानकारी नदिएको जनाइएको छ । केही सञ्चारमाध्यममा इशाफानको आणविक साइटलाई टार्गेट गरिएको उल्लेख छ ।

तर, अनुसन्धानका क्रममा ती समाचार गलत भएको पाइएको र कुनै पनि स्थानमा टार्गेट गरेको नपाइएको राष्ट्रिय टीभीले जनाएको छ । बीबीसीबाट ।