काठमाडौं । एमजीको नेपालका लागि आधिकारिक वितरक पारामाउन्ट मोटर्सले नयाँ वर्षलाई लक्षित ‘नयाँ वर्ष २०८१ को बहार एमजीसँग आकर्षक उपहार’ नामक योजना सार्वजनिक गरेको छ । यस योजनाअन्तर्गत ग्राहकले सात लाखसम्मको नगद छुट प्राप्त गर्न सक्ने एमजीले जनाएको छ । 

कम्पनीका अनुसार अफरमा एमजीका ईभी मोडलमा ग्राहकले निःशुल्क टायर, सात किलोवाटको एसी चार्जर र चालु आर्थिक वर्षको सडक करमा छुट समेत रहेको छ । सय वर्ष पूरानो बेलायती ब्रान्ड एमजीले नेपालमा पनि अत्याधुनिक प्रविधि, किफायति मूल्य, सहज यात्रा र वातावरण मैत्री विशेषताका गाडी बिक्री गर्ने गरेको बताउँछ । 

३०० भन्दा धेरै दक्ष इन्जिनियरले युरोपेली इन्जिनियरिङ प्राविधिक केन्द्रमा परीक्षण गरेर एमजीका गाडी निर्माण गरेको कम्पनीको भनाइ छ । अहिले नेपालमा एमजी४ ईभी, जेडएस ईभी, कोमेट ईभी गरी तीन विद्युतीय सवारी र हेक्टर, एचएस, र एसटर गरी तीन इन्धन/हाइब्रिड सवारी उपलब्ध छन् । यो अफर देशैभर एमजीका २१ सोरुममा उपलब्ध रहेको कम्पनीले जनाएको छ ।