कोलम्बो । श्रीलंकाका राष्ट्रपति रनिल विक्रमासिंघेले परम्परागत सिंहली र तमिल नयाँ वर्षको उपलक्ष्यमा शनिबार करिब ८०० दोषीलाई आममाफी दिएका छन् ।

यसअघि, क्रिसमसको उपलक्ष्यमा श्रीलंकामा आचरणमा सुधार आएका एक हजार कैदीलाई रिहा गरिएको थियो । नयाँ वर्षको उपलक्ष्यमा ७७९ कैदीबन्दीलाई आममाफी दिइएको हो ।

कारागारका एक अधिकारीले एएफपीलाई बताएअनुसार हालसालै भएको हिंसात्मक गतिविधिका कारण श्रीलंकाकोे कारागारमा भीडभाड थियो । सयौँको सजाय माफी भएपछि कारागारभित्रको भीड कम भएको छ ।

करिब ११ हजार कैदीबन्दी राख्न सक्ने गरी डिजाइन गरिएको श्रीलंकाका कारागारमा शुक्रबारसम्म लगभग ३० हजार कैदीबन्दी थिए ।

श्रीलंका सरकारले नयाँ वर्षको अवसरमा लामो बिदा घोषणा गर्नुका साथै मंगलबारसम्म मदिरा बिक्रीमा प्रतिबन्ध लगाएको छ । रासस/एएफपी