काठमाडौं । नेपाल उद्योग वाणिज्य महासंघको ५८औँ वार्षिक साधारणसभा एवं उद्योग वाणिज्य दिवसको उद्घाटन समारोहमा भारतीय लगानीकर्ता सहभागी हुने भएका छन् ।

महासंघले एक विज्ञप्ति जारी गर्दै यस पटकको साधारणसभामा भारतीय उद्योग परिसंघका प्रेसिडेन्ट देसिग्नेट संजीव पुरी वक्ताका रूपमा सहभागी हुने जानकारी दिएको हो । सभामा भाग लिन पुरीको नेतृत्वमा भारतीय लगानीकर्ताहरू नेपाल आउनेछन् । उक्त सभाबाट आर्थिक सुधारका लागि राजनीतिक प्रतिबद्धता खोजिने पनि बताइएको छ ।   

चैत्र २८ गते बुधबार बिहान ८ः३० बजे तय भएको उद्घाटन समारोहमा प्रमुख राजनीतिक दलहरूलाई निम्त्याएको छ । यस अघि ९ः३० मा तय भएको उद्घाटन समारोह सारिएको महासंघले जानकारी दिएको छ ।