काठमाडौं । बर्दियाको बढैयाताल गाँउपालिका–२ स्थित सीमा इलाकाबाट ६ किलो चरेससहित एक महिलालाई सशस्त्र प्रहरीले नियन्त्रणमा लिएको छ ।

सोमबार सशस्त्र प्रहरीको बोर्डर आउट पोस्ट (बीओपी) फुटाहाले ४५ वर्षिया आशा राईलाई नियन्त्रणमा लिएको हो ।

दाङको लमही नगरपालिका–१ की राई चरेस बोकेर नेपालबाट भारततर्फ जाँदै गरेको अवस्थामा नियन्त्रणमा लिइएको हो ।

सशस्त्र प्रहरीका १२ वटा ठूलो प्याकेटभित्र ससाना २२ वटा प्याकेट बनाएर शरीरमा बाँधेर  भारततर्फ जाँदै गर्दा शंका लागेर चेकजाँच गरिएको थियो ।

उनलाई बरामद चरेससहित आवश्यक कारबाहीका लागि स्थानीय प्रहरीमा बुझाइएको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए ।