काठमाडौं । कतार उडेको नेपाल वायुसेवा निगमको वाइडबडी जहाज करिब दुई घण्टापछि काठमाडौं नै फर्किएको छ ।

बिहीबार राति १२ बजे काठमाडौंबाट कतारको लागि उडेको जहाजमा समस्या आएको थियो । बिहान २ बजे काठमाडौंमा नै अवतरण गरिएको त्रिभुवन अन्तर्राष्ट्रिय विमानस्थल स्रोतले जानकारी दिएको छ । 

विमानस्थल स्रोतका अनुसार जहाज उड्नसाथ ‘हाइड्रोलिक सिस्टम’मा समस्या आएको थियो । त्यसपछि ‘क्याबिन क्रु’ले जहाज काठमाडौंमा नै फर्काएर अवतरण गरेका हुन् । यद्यपि, उनीहरूले कुनै ‘सेफ्टी असिस्टेन्ट’ भने मागेका थिएनन् । 

जहाज मर्मत भइसकेको र उडानका लागि तयारी अवस्थामा रहेको निगमका प्राविधिक प्रवक्ता दिपेन्द्र पुनले जानकारी दिए ।