काठमाडौं । सामाजिक सञ्जाल एक्सका प्रिमियम प्रयोगकर्ताले एक्सएआईको च्याटबट ग्रोक चलाउन पाउने भएका छन् । एक्सका मालिक एलन मस्कले यसै हप्ता सबै प्रिमियम प्रयोगकर्ताले एआई च्याटबट ग्रोकमा पहुँच पाउने बताएका हुन् ।

पहिलाको ट्विटर हालको एक्समा मासिक पैसा तिरेर प्रिमियम मेम्बरसिप लिएपछि भेरिफाइड (प्रमाणित) प्रयोगकर्ताको संकेत गर्ने ब्लु टिकमार्क र थप विभिन्न फिचर उपलब्ध हुन्छ ।

ओपनएआईको चर्चित एआई च्याटबट च्याटजीपीटीपछि मस्कको कम्पनी र अन्य धेरै कम्पनीले पनि त्यस्तै च्याटबट ल्याएका छन् ।

मस्कले उद्देश्यअनुसार मानवताको हितका लागि काम नगरेर नाफामुखी भएको भन्दै आफू समेत संस्थापक रहेको ओपनएआईविरुद्ध मुद्दा हालेका छन् ।