काठमाडौं । चलचित्र ‘मनसरा’को टिजर सार्वजनिक भएको छ । अन्तरजातीय सम्बन्धको कथावस्तुमा निर्माण भएको चलचित्रमा मिरुना मगर, प्रवीण खतिवडा, दयाहाङ राई र मेनुका प्रधानको अभिनय छ । 

उपेन्द्र सुब्बा निर्देशित चलचित्रले साधारण कथालाई रोचक बुनाइबाट पेस गर्न लागेको टिजरले देखाउँदछ । यसै वर्षको सुरुआतमा ‘जारी’ बाट ब्लकबस्टर निर्देशन 'डेब्यु' गरेका सुब्बाको यो दोस्रो सिनेमा हो ।

निर्देशक सुब्बाकै लेखन रहेको सिनेमाका निर्माता छायाँकार शैलेन्द्र ध्वज कार्की हुन् । यस्तै, विष्णकुमार लिम्बू मनोरथ पोखरेल, पर्शु अधिकारी, पिटर गुरुङ तथा जीवन लिम्बु थाक्लुङ सह–निर्माता हुन् ।