काठमाडौं । महालक्ष्मी विकास बैंकले दुईदिने 'नेतृत्व एकताको विकास तथा शारीरिक स्वस्थता'सम्बन्धी कार्यशाला गोष्ठी सम्पन्न गरेको छ । बैंकले फागुन २६ देखि र २७ गते चितवनको सौराहामा संस्थाका उच्च व्यवस्थापन तहका पदाधिकारी, विभागीय प्रमुख, प्रदेश प्रमुखहरू, केन्द्रीय कार्यालयका कर्मचारीहरू र शाखा प्रबन्धकहरूको उपस्थितिमा कार्यशाला गोष्ठी गरेको हो ।

सेमिनारमा हाल अर्थतन्त्रमा देखिएको मन्दीका बीच आगामी दिनमा अवलम्बन गर्नुपर्ने कार्यदिशाका सम्बन्धमा छलफल भएको र यस अवस्थामा बैंकको व्यवसाय विस्तार, ग्राहकहरूको हकहित संरक्षण र उत्कृष्ट सेवा प्रदान गर्न सबै तहका कर्मचारीको सामूहिक प्रयत्न आवश्यक रहने निचोडका साथ सम्पन्न भएको बताइएको छ ।

आर्थिक वर्ष २०८०/८१ को बाँकी समयलाई अधिकतम उपयोग गरी बैंकको समग्र व्यवसाय विस्तारलाई कसरी अगाडि बढाउने भन्ने सम्बन्धमा व्यापक छलफल भएको जानकारी दिइएको छ ।

कार्यशाला गोष्ठीमा कर्मचारीको सामूहिक एकता, शारीरिक स्वस्थता, सक्षम नेतृत्व र उच्च मनोबल नै सफलताका महत्त्वपूर्ण आधारशीला हुन भन्ने सम्बन्धमा व्यवहारिक अभ्यासहरूसमेत गरिएको थियो । 

महालक्ष्मी विकास बैंकले हाल १०३ शाखा कार्यालयमार्फत सेवा दिँदै आएको छ ।