site stats
बाह्रखरी :: Baahrakhari
देश
Global Ime bankGlobal Ime bank
स्रोत नखुलेको १५ लाख भारतीय र ९१ लाख नेपाली रुपैयाँसहित पाँचजना पक्राउ
प्रतीकात्मक तस्बिर ।

काठमाडौं । प्रहरीले बाँकेको नेपालगंजबाट स्रोत नखुलेको ९१ लाख नेपाली र १५ लाख भारतीय रुपैयाँसहित पाँचजनालाई पक्राउ गरेको छ । 

नेपालगञ्ज उपमहानगरपालिका–४, गणेशपुरस्थित सन्तोषी दंगाली होटेलबाट स्रोत नखुलेको ५७ लाख २८ हजार ७०० नेपाली रूपैयाँ र ११ लाख भारतीय रूपैयाँ बरामद गरिएको हो । 

भारतीय र नेपाली रुपैयाँसहित प्रहरीले सोमबार साँझ तीनजनालाई पक्राउ परेको छ । पक्राउ पर्नेहरूमा सोही उपमहानगरपालिका–१६ बस्ने ३५ वर्षीय रोहित क्षेत्री, होटेल सञ्चालक दाङको तुलसीपुर उपमहानगरपालिका–९ बस्ने ४३ वर्षीय कृष्णबहादुर विक र भारत बहराइज बस्ने ४१ वर्षीय राहुल जैसवाल छन् । 

जिल्ला प्रहरी कार्यालय बाँकेबाट खटिएको प्रहरीले होटेल जाँच गर्ने क्रममा कोठाभित्र झोलामा राखिएको उक्त नगदसहित फेला पारी उनीहरूलाई पक्राउ गरेको जनाइएको छ ।  

यसैगरी, नेपालगंज उपमहानगरपालिका–२, पुष्पलाल चोकस्थित कालिका न्यू कर्णाली होटेलबाट श्रोत नखुलेको नगद ३४ लाख नेपाली रूपैयाँ र चार लाख ४० हजार भारतीय रूपैयाँसहित दुईजनालाई सोमबार साँझ प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका–१६ बस्ने ५० वर्षीय सलिम जोलाह र उनकै छोरा २८ वर्षीय आसिप जोलाह रहेका छन् । जिल्ला प्रहरी कार्यालय बाँकेबाट खटिएको प्रहरीले उनीहरूलाई उक्त नगदसहित फेला पारी पक्राउ गरिएको जनाइएको छ ।  

प्रकाशित मिति: मंगलबार, फागुन २९, २०८०  १६:५५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro