![भारतले बनायो अन्तरमहादेशीय ब्यालिस्टिक मिसाइल](https://12khari.top/uploads/posts/qewfmdg-1710162928.jpg)
काठमाडौं । भारतले बनाएको अन्तरमहादेशीय ब्यालिस्टिक मिसाइल अग्नि–५ को पहिलो परीक्षण उडान गरिएको छ । भारतीय प्रधानमन्त्री नरेन्द्र मोदीले सोमबार ‘मिसन दिव्यास्त्र’ घोषणा गरेका हुन् ।
देशभित्रै उत्पादित यो अत्याधुनिक हतियार प्रणालीले भारतको भूराजनीतिक स्थितिलाई परिवर्तन गर्ने अपेक्षा गरिएको छ । भारतको रक्षा अनुसन्धान केन्द्र (डीआरडीओ)ले अग्नि–५ विकास गरेको हो ।
अग्नि–५ मा मल्टिपल इन्डिपेन्डेन्टली टार्गेटेबल रि–इन्ट्री भेहिकल (एमआईआरभी) प्रविधि रहेको छ । यसको अर्थ यो एउटै मिसाइलले फरक–फरक स्थानमा प्रहार गर्न (आणविक समेतका) बम बोक्न सक्छ ।
मोदीले सामाजिक सञ्जाल एक्समा लेखेका छन्, “मल्टिपल इन्डिपेन्डन्टली टारगेटेबल रि–इन्ट्री भेइकल (एमआईआरभी) टेक्नोलोजीसहितको स्वदेशी अग्नि–५ मिसाइलको पहिलो परीक्षण उडान मिसन दिव्यास्त्रका लागि डीआरडीओका वैज्ञानिकप्रति गौरवान्वित छौँ ।”
![Global Ime bank](https://baahrakhari.com/uploads/bigyaapan/30885600.gif)
यो मिसाइलको रेन्ज सात हजार किलोमिटरभन्दा बढी छ । एनडीटीभीबाट ।