काठमाडौं । क्याप्टेन वेद उप्रेतीद्वारा लिखित पुस्तक ‘दुर्गम विस्मयलोक/भूस्वर्गको परिकल्पना सुदूरपश्चिम नेपाल’ एक समारोहबीच सार्वजनिक भएको छ ।

काठमाडौंमा आयोजित कार्यक्रममा नेपाली कांग्रेसका सभापति शेरबहादुर देउवालगायतका व्यक्तिहरूले उक्त पुस्तक सार्वजनिक गरेका हुन् ।

यस पुस्तकमा सुदूरपश्चिमलाई समृद्ध र प्रगतिशील क्षेत्रका रूपमा विकास गर्न सकिन्छ भन्ने विश्वासलाई फोटोग्राफी विवरणका रूपमा प्रस्तुत गरिएको विज्ञप्तिमा जनाइएको छ ।

सुदूरपश्चिमको वास्तविक परिदृश्यलाई काल्पनिक विस्मयलोक/भूस्वर्गका रूपमा परिकल्पना गरिएका दृश्यहरू समावेश गरेर तयार पारिएको यस पुस्तकमा १२० पृष्ठ र ९४ रंगीन तस्बिरहरू समावेश गरिएको छ । यो पुस्तक नेपाली र अंग्रेजी दुवै भाषामा प्रस्तुत छ ।

यस पुस्तकको बिक्रीबाट प्राप्त हुने रकम वेद उप्रेती ट्रस्टका माध्यमबाट सुदूरपश्चिमका क्यान्सरका बिरामीहरूलाई सहयोग गरिने पनि विज्ञप्तिमा जनाइएको छ ।