site stats
बाह्रखरी :: Baahrakhari
खेल
Global Ime bankGlobal Ime bank
पेनाल्टी सुटआउटमा भारतलाई हराउँदै बंगलादेशले जित्यो यू–१६ महिला साफको उपाधि 

काठमाडौं । भारतलाई पेनाल्टी सुटआउटमा ३–२ ले हराउँदै साफ यू–१६ महिला च्याम्पियनसिपको उपाधि बंगलादेशले जितेको छ ।

सातदोबाटोस्थित एन्फा मुख्यालयमा आइतबार भएको खेलको निर्धारित समय १–१ को बराबरीमा सकिएपछि नतिजाको निर्णय पेनाल्टी सुटआउटबाट भएको हो । टाइब्रेकरमा बंगलादेशले बाजी मा¥यो ।

पेनाल्टीमा बंगलादेशका मारियम बिन्ता हाना, तानिया अख्तर फोमी र साथी मुन्डाले गोल गरे । बंगलादेशबाट पहिलो प्रहारका निम्ति सौरवी अखन्डा प्रीति आएकी थिइन् । उनको प्रहारलाई भारतकी गोलकिपरले विफल बनाइन् । अल्पी अख्तरको प्रहार पोस्टमा लागेर फर्कियो ।

भारतका स्भेता रानी र अन्विता राघुरमनले गोल गरे । भारतका अलिना देवी सरागंथेम, बोनिफिलिया सुुल्लाई र दिव्यानी लिन्डाको प्रहारलाई बंगलादेशकी गोलकिपरले विफल बनाइन् ।

त्यसअघि, खेलमा अग्रता भारतले बनाएको थियो । भारतकी अनुष्का कुमारीले गोल गर्दै अग्रतामा राखेकी थिइन् । ७१औँ मिनेटमा कप्तान अप्रिता विश्वासले गोल गर्दै बंगलादेशलाई खेलमा फर्काएकी थिइन् ।

यही मार्च १ देखि सुरु भएको प्रतियोगितामा नेपाल, भारत, बंगलादेश र भुटान गरी चार टिमको सहभागिता थियो ।

प्रकाशित मिति: आइतबार, फागुन २७, २०८०  १७:२२
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro