काठमाडौं । त्रिदेशीय ट्वान्टी–२० शृंखलाको पहिलो खेलमा हङकङविरुद्ध फिल्डिङ गरिरहेको नेपालले पहिलो ओभरमा विकेट लिएको छ ।

हङकङस्थित मिसन रोड मैदानमा जारी खेलमा टस जितेर फिल्डिङमा आएको नेपालले इनिङको पहिलो बलमै मार्टिन कोएट्जीको विकेट लिएको हो । कोएट्जीलाई करण केसीले गुल्सनकुमार झाबाट क्याच गराए ।

जारी खेलको दुई ओभर समाप्त हुँदा हङकङले एक विकेट गुमाएर १२ रन बनाएको छ । 

आजदेखि सुरु भएको प्रतियोगितामा नेपालसँग हङकङ र पपुवा न्युगिनी (पीएनजी) सहभागी छन् ।