काठमाडौं । नेपालका लागि भारतीय राजदूत नवीन श्रीवास्तवले नवनियुक्त उपप्रधान एवं परराष्ट्रमन्त्री नारायणकाजी श्रेष्ठसँग शिष्टाचार भेटवार्ता गरेका छन् । बिहीबार सिंहदरबारस्थित परराष्ट्र मन्त्रालयमा भेटवार्ता भएको हो ।

श्रेष्ठ परराष्ट्रमन्त्री भएको भोलिपल्टै उनलाई भेट्न राजदूत श्रीवास्तव मन्त्रालयमा पुगेका हुन् । प्रधानमन्त्री पुष्पकमल दाहाल ‘प्रचण्ड’ले बुधबार श्रेष्ठलाई परराष्ट्र मन्त्रालयको जिम्मेवारी दिएका थिए ।

भेटमा राजदूत श्रीवास्तवले परराष्ट्रको जिम्मेवारी सम्हालेकामा श्रेष्ठलाई बधाई तथा शुभकामना दिए । परराष्ट्रमन्त्री श्रेष्ठ र राजदूत श्रीवास्तवबीच नेपाल–भारत द्विपक्षीय हितका विषयमा कुराकानी भएको मन्त्रालयले जानकारी गराएको छ ।