काठमाडौं । कोका–कोलाले उपभोक्ताहरूका लागि नयाँ क्याम्पेन ल्याएको छ । घरमा खाना खाँदाको क्षणहरू विशेष र अविस्मरणीय बनाउन नेपालमा कोका–कोलाले २.२५ र १.५ लिटर प्याक साइजको कोका–कोला, स्प्राइट र फ्यान्टाको खरिदमा २५० मिलिलिटरको कोका–कोला निःशुल्क प्रदान गर्ने भएको हो ।

कम्पनीका अनुसार यो प्रमोसनल अफर 'कोक एन्ड मिल्स क्याम्पेन'को एक हिस्सा हो, जुन धेरै वर्षदेखि निरन्तर चल्दै आएको छ । कोका–कोलाको साथले साधारण खाना खाँदाको क्षणलाई पनि एक रमाइलो पलमा परिणत गर्ने यस अफरको लक्ष्य रहेको कम्पनीले जनाएको छ । 

कोका–कोला नेपालको कन्ट्री डाइरेक्टर चन्द्रिका कालियाले भने, “कोका–कोला सधैँ आफ्ना उपभोक्ताहरूका लागि रमाइलो पलहरू सिर्जना गर्न प्रतिबद्ध छ । यो विशेष अफरले हाम्रा उपभोक्ताहरूको साधारण खाना खाने समयलाई पनि अविस्मरणीय बनाउन मद्दत पुर्‍याउनेछ भन्ने हामीलाई विश्वास छ ।”

यो अफरले कोका–कोलाको विश्वव्यापी ‘कोक एन्ड मिल्स’ क्याम्पेनलाई थप बढावा दिएको छ ।